Gaige islan Guahan gi mas yahayay gi kadenan Marianas ya guiya mas dangkolo entre todu i isla yan uniku minantietieni ni' i Estados Unidos desde 1898 na sakkan.  Ma fa'nana'an i isla "Tollai Amerika asta guatu Asia" sa' put i minaolek pusision-na gi yiugrafiku yan ikunumiha.  Ma tata'chong este na isla para'isu kasi sais mit miyas gi ge'lichan San Francisco, tres mit siette sientos miyas ge'lichan lao sumanhaya patte gi ya Honolulu, mit kinentos miyas gi hayan i kattan Tokyo, dos mit siento miyas kattan sanhayan Hong Kong yan mit kinentos miyas gi kattan Manila. 

Dos sientos dosse kuadrao miyas mineddong-na Guahan ya kasi trenta miyas anakko'-na yan kuattro asta nuebi miyas finedda'-na gi talo'.  Pinetma ni' botkanu i sanhaya na patte ya i attura-na kasi mit tres sientos pi'e linekka-na.  Finetma i talo' yan sankattan na patten i isla ni' i acho' afok ya i kantit-na siha pumoddong papa asta i kanton unai. 

Manestaba esta i ManCHamorro gi islan Guahan antes di  manhalom i Espanot gi 1600 na sikio despues di finatton Fetnando Magallanes. Annok gi manatatte na emfotmasion na kasse sina' mas di tres mit kinentos maloffan na tiempo na manggaige i ManCHamorro gi kadenan Marianas lao ti ma tungo' amanu na gaige i hale'-niha pat tinituhon-niha este na rasa. 

Maolek yan anakko' i lina'la' i ManCHamorro gi todu i kadenan Marianas.  Ma estapblesa susiadat ni' taiminappot yan praktekat. Maskeseha manmahongge gi Yi'os-niha, espiritu, uan tinituhon i tano', ma po'lo i kinalamten lina'la' gi mismo siha i ManCHamorro tutat. Gi sesteman manadahi, ma babayi mo'na i kinahulo' i membron i familia, i fina'maolek i manamko' gi duranten minaiangu, respetu gi famagu'on para i manaina, yan i salut i taotao. Este sumostietieni i nasion CHamorro gi manmaloffan siha na tiempo parehu maolek pat baba. 

Fuera di adesgusto siha gi familia pat bisinu, manatrata i ManCHamorro gi pas, inayudu, yan inapatten suette gi gualo',  guinahan tasi, yan guinahan lina'la'.  Ti ma tungo' i ManCHamorro put gubetnamenton nasiunat maskeseha guaha sesteman i manaotao piot gi estao na patte: matu'a, acha'ot, yan i manachang siha.  Put este manarespeta todu i taotao ya ma kontenuha i sostansian irensia ya manakomprende na dipotsiha estao-niha ya taya' kumuestiona taimanu ma ditetmina i lina'la. 

Enfin, takhilo' lokkue' na sestema gi lina'la' ManCHamorro i aktebedat ni' para u fama'na'an taotao, lugat, yan ga'ga'. Didok yan laddong sostansian-niha i lengguahen ManCHamorro ya kada hafa  humuyong na'an guaha estoria-na yan fino'-na ni' ma komprende gi siha yan siha ha'.  Maskeseha pinalala'i i lengguahen CHamorro ni' palabra pat sinangan siha ginen i Espanot, i CHapanis, yan pa'go ni' i fino 'Engles Amirikanu, gagaige ha' i lengguahen i taotao tano' na memetgot ha' yan gai bali gi sesteman kinaiamten.

Guam, the largest and southermost island of the Marianas chain, is the westernmost possession of the United States since 1898.  The island is known as "America's Gateway to Asia" because of its unique geographic and economic position.  This tropical island paradise sits at about six thousand miles west of San Francisco, three thousand seven hundred miles west-southwest of Honolulu, one thousand five hundred miles southeast of Tokyo, two thousand one hundred miles east-southeast of Hong Kong and one thousand five hundred miles east of Manilla. 

The island of Guam is two hundred and twelve square miles and is about thirty miles long and four to nine miles wide at its center.  The southern part of Guam is made up of volcanic soil that range in altitude of one thousand three hundred feet.  The central and northern parts of the island are made up of limestone with steep cliffs that drop down to narrow coasts. 

Chamorros were known to inhabit the island of Guam before the Spaniards came in the sixteenth century following the visit of Ferdinand Magellan. Succeeding information suggests that the Chamorros were in the Marianas chain about three thousand five hundred years but virtually nothing is known about their place oforigin or from what particular race they come from. 

The Chamorros lived a life of longevity and abundance in the Marianas chain. They established a society that was simple and practical.  Even though they believed in their own gods, spirits and the beginning of life on earth, they understood life based on themselves as Chamorros - as members of their family, their clan, and the Chamorro nation as a whole. There was a system understood that was based on caring, the forerunner of the raising of family, caring for the aged and infirmed, respect from children towards their elders, and the health of the people.  This belief sustained the Chamorro nation through the years both good and bad. 

Aside from disagreements and personal bickering between families and among neighbors, Chamorros lived in peace, always helping one another, and sharing crops, food from the sea and other resources.  They did not believe in a national government despite the caste and class system of the "matu'as, acha'ot, and the manachangs".  There was respect accorded to the different class system but their heritage nevertheless flourished with an undisputed understanding that no one questioned how their status was determined. 

Nevertheless, Chamorros had a fondness of naming people, places, and animals and it was considered an important activity.  Sharp and deep in substance, the Chamorro language spewed out names that had significant stories and meanings that endear the Chamorro to one another.  Even though language of today embraces words and phrases borrowed from the Spanish, Japanese and present day American English, the language is rich, strong and priceless. 
 

Lessons

I atfabenton Chamorro -Chamorro Alphabets Numberu Yan Palabra Siha - Counting Tinigong Put Tres, Singko, Siette yan dosse  - Counting by 3's, 5's, 7's, and 12's Kulot Siha - colors

Ha'åni Siha Gi Simåna - Days of the Week  Meses Siha Gi Sakkan - Months of the Year Patten I Tataotao Siha - Parts of the Body Familia Siha -  The Family Gi Eskuela - Halom Kuatto